செய்தி மற்றும் மக்கள் தொடர்பு வலைத்தளம். இது முத்தரசநல்லூர் கிராம மக்களின் வளர்ச்சிக்காக செயல்படுகிறது.
Wednesday, January 10, 2007
VAT FAQ & Rate of Tax - Tamil Version
Tuesday, January 09, 2007
பொங்கல் (திருநாள்)
பொங்கல் (திருநாள்)
கட்டற்ற கலைக்களஞ்சியமான விக்கிபீடியாவில் இருந்து.
பொங்கல் தமிழர் திருநாளாக தமிழகத்தில், இலங்கை போன்ற தமிழர்கள் வாழும் நாடுகளில் தை முதல் நாள் கொண்டாடப்படுகின்றது. பொங்கல் விழா, தமிழர்களின் தனிப்பெரும் விழா. எத்தனையோ விழாக்களை தமிழர்கள் கொண்டாடினாலும் வேறெந்த விழாவுக்கும் கொண்டாட்டத்துக்கும் இல்லாத சிறப்பு பொங்கலுக்கு மட்டும் உண்டு. மற்ற விழாக்கள் போலன்றி, பொங்கல் எல்லா சமயத்தினருக்கும் பொதுவானதாகவும், சமயம் கடந்ததாகவும் உள்ளது. பொங்கல், உழைக்கும் மக்கள் இயற்கைக்கும், மற்ற உயிர்களுக்கும் சொல்லும் ஒரு நன்றியறிதலாக கொண்டாடப்படுகிறது.
பொங்கல் பண்டிகை நான்கு நாள் பண்டிகையாகும். மார்கழி கடைசி நாளன்று போகி கொண்டாடப்படுகிறது. அந்நாளில், பழையன கழித்து பதியன புகுதல் வழக்கம். தை மாத முதல் நாள் பொங்கல் கொண்டாடப்படுகிறது. அடுத்தடுத்த நாட்களில் மாட்டுப்பொங்கலும் (பட்டிப் பொங்கல்), காணும் பொங்கலும் கொண்டாடப்படுகிறது.
பொங்கல் விழா, மக்களால் இயல்பாகக் கொண்டாடப்படுகிறது. உழைக்கும் தமிழ் மக்கள் தாமே கண்டுணர்ந்து, தமது உழைப்பிற்கு உதவிய இயற்கை சக்திகளுக்கும், தம்மோடு சேர்ந்து உழைத்த கால்நடைகளுக்கும், தமது நன்றியையும் மகிழ்ச்சியையும் தெரிவிக்கும் விழா. உழவர்கள் மழையின் உதவியால் ஆடி மாதம் முதல் உழைத்துச் சேர்த்த நெல்லை மார்கழியில் வீட்டிற்குக் கொண்டு வந்து தமது உழைப்பின் பயனை நுகரத் தொடங்கும் நாளே தைப்பொங்கல் ஆகும்.
பொங்க வைக்கும் முறை
Wednesday, December 27, 2006
முத்தரசநல்லூர் பற்றிய கட்டுரை விக்கிபீடியாவில்...
Tuesday, December 12, 2006
கிராம யோகா வகுப்புகள்
அன்புள்ள முத்தரசநல்லூர் குழு நண்பர்களே!
வணக்கம். யோகா வகுப்புகள் இந்த 2006ம் வருடம், டிசம்பர் மாதம், கடைசி வாரத்தில் முத்தரசநல்லூரில் நடைபெற இருப்பதாக கேள்வியுற்று மகிழ்ச்சியடைந்தேன்.
நான், கடந்த 1999ம் வருடம், மே மாதத்தில், E.R. மேனிலைப்பள்ளியில் நடந்த யோகா வகுப்பில் கலந்து கொண்டேன். அப்போதே எனக்கு, என்னை சுற்றி உள்ள அனைவரையும் இந்த வகுப்பில் கலந்துகொள்ள செய்ய வேண்டும் என்ற உணர்வு உருவானது. முதலில் எனது நண்பர்கள் சிலரையும், என் குடும்பத்தில் சிலரையும் அனுப்பி வைத்தேன். நான் பலரிடம் இந்த வகுப்பில் கலந்து கொள்ளும்படி பரிந்துரை செய்திருக்கிறேன். ஆனால், நேரமின்மை, பொருளாதார வசதி போன்ற காரணங்களால் எல்லோராலும் போக முடியவில்லை.
இப்போது, ஈசா யோகா வகுப்பு, முத்தரநல்லூரை தேடி வந்திருக்கிறது. இந்த வாய்ப்பை நமது கிராம மக்கள் அனைவரும் பயன்படுத்திக் கொள்ள அனைவரிடமும் இதைப்பற்றி தெரிவிக்கவேண்டும். இதில் கலந்து கொள்ள நன்கொடையாக ரூ.250/- பெறுகிறார்கள். இடம், துவங்கும் நாள், பதிவு செய்வது போன்ற விபரங்களுக்கு, பழனியாண்டவர் மெடிக்கலில் உள்ள திரு. P. மோகன் அவர்களை தொடர்பு கொள்ளவும்.
அன்பான, ஆராக்கியமான, அமைதியான முத்தரசநல்லூரை உருவாக்குவோம்!
இந்த மகத்தான பணியில் உங்களையும் கலந்து கொள்ள அன்போடு அழைக்கிறேன்!!
அன்புடன்,
ப. ஜெயராமன்